全店滿300HKD免運

【酒吧新手攻略大全】01 - 第一次落酒吧應該點揀Cocktail?

How to cocktail

第一次去酒吧完全搞唔清楚咩叫Negroni, Margarita ,咩叫twisted ?咩叫dry? 唔識叫又要扮識叫叫杯「你呢度最出名係咩就咩啦」? 最後搞到好似周星馳咁, 五加皮孖蒸廿四味加維他奶溝埋再打隻龜蛋落去搞勻再加多兩滴墨汁然後全場人一杯,我飲橙汁得喇?

以下有幾個步驟方式教你如何脫離新手落吧尷尬期! 唔好再咁尷尬囉!


1. 搞清楚係清吧定係Bar and Restaurant/各項最低收費

香港比較少強制消費/綑綁消費既酒吧,係外國比較常見就係需要點餐或者小食再加啤酒/雞尾酒,所以如果人在外國想落吧,記得睇清楚需唔需要叫野食先好入去,以免口同鼻拗,到時未叫酒就要走了。

而香港比較常見的則會係有最低消費,但基本上香港酒吧的定價一杯至兩杯都已經足夠過最低消費,如果對價錢有疑慮的,只係想飲一杯半杯酒吹下水,就要注意喇,以免尷尬囉!

 

2. 學識睇重要字眼: 基酒(Spirit) 利口酒/力嬌酒(Liqueur), Mocktail (無酒精調酒)

都有好多香港酒吧係只會有英文餐單,大家就要學識點樣睇重點字眼,咁就唔識睇哂,都識睇一半啦!

係教點睇MEUN之前,必定要解釋一下雞尾酒既構成。其實雞尾酒係溝自基酒(Spirit) 例如 氈酒(Gin) 冧酒(Rum) 伏特加(Vodka) 威士忌(Whisky) 等高濃度酒精 (約40度或以上); 以及利口酒(Liqueur) 例如 荔枝酒、菠蘿酒、薄荷酒等作調味用途; 而亦有果汁 例如 檸檬汁、青檸汁、椰汁等等令雞尾酒更加自然及可口; 更有不少調酒師自創調配會加入果肉、花茶、其他特別酒精等等

一般餐牌會先以Cocktail 及 Mocktail分類, 前者會有酒精成份,後者則是無酒精調酒,以供一些需要駕駛、對酒精敏感、不喜歡飲酒的人士飲用。而之後則會用不同基酒作分類,然後選擇自己的口味。

需然不能一概而論雞尾酒的口味,但係用基酒黎分類大概可以分以下既口味:
伏特加—比較湧現酒精味道,比較純粹既蒸餾酒
氈酒—同樣是主要以蒸餾為生產方式,但會有不同的草本味道、花味道、甚至像香港本土氈酒白蘭樹下一樣會有不同中藥配方、白蘭花做蒸餾過程,所以氈會比較有層次,並不嗆喉。
冧酒—一般係比較甜既基酒,相信大家都有食過酒心朱古力,當中酒心部份就係用冧酒,不嗆喉,比較甜,配合帶苦味的利口酒會很夾。
威士忌—經典味道,就咁飲已經好好飲,加冰/加水都能夠散發出老練木桶味,

 

3. 經典調酒實無死?

第一次落酒吧唔識叫,跟人叫實無死? 其實學識第二點,你基本上識分四款基酒有咩特性,然後你可以試下理解佢地個名或者係佢成份。一般黎講係雞尾酒名下面會有寫有咩基酒,有咩利口酒、果汁、其他特別成份。可以憑利口酒名例如 Kyoho Liqueur (巨峰力嬌) 黎去判斷呢個調酒大約係咩味道。我相信做左人咁耐一定有少少味道係比較自己接受度高啲,再加上面既理解,絕對唔需要靠跟其他人去叫酒既!

須知叫調酒都係表現個性既表現同埋朋友適合既酒唔代表你適合,所以記得自己判斷喇!

呢度有4款酒吧永恆經典調酒: El presidente (大總統) , Negroni (尼格羅尼)Blue Kamikaze (神風敢死隊)Margarita (瑪嘉烈特)

如果想知成份大約係咩,會有咩味道,可以睇睇!經典之所以係經典的確係因為歷久不衰而且真係適合好多人既口味,但就算經典都需要自己搵自己最適合邊隻經典,就好似El Presidente就會係苦橙味再加白蘭地味道,但飲落又會回甘香濃,以為苦既橙味,又會變成甜蜜橙味!

4. 都係想試試調酒師特別手勢?

可能你唔係第一次落吧,或者唔想叫經典調酒(反正度度都一樣),咁不如試下叫調酒師整杯Special或者signature cocktail? 

但究竟點同調酒師溝通自己要咩味道呢? 其實有一套調酒語言既!
挑選Cocktail主要有三個方向:
1. 味道(酸/甜/苦):唔好以為苦唔好飲,其實苦都可以回甘,有少少苦既酒例如 Negroni (尼格羅尼)就係經典中既經典,先甜、後苦、然後回甘


2. 強度(Strong/Weak ):而強度方面,意則酒精味道以及衝擊感,如果想試下強度足夠而又果味濃郁,不妨可以試下以巨峰提子酒以及伏特加基底調配而成的 Fushimi Kyoho (伏見巨峰)  包保唔伏,滿滿既衝擊感!


3. 飲用時長(Long/Short):所謂長短,則是大大淡飲定係飲一淡就要放低飲足一晚,好似威士忌咁,就需要一大個冰球加威士忌,慢慢飲,飲足一晚。如果想試下大大淡飲或者加入炭酸水/soda water都可以試下 Blue Kamikaze (神風敢死隊) 或者Beloved Memory (瑰荔回憶) 鍾意椰子同菠羅味既朋友仲可以試下Coco-Pintano (菠多椰)

 如果你鍾意Freshy小小或者Fruity 啲 (果味濃/清新) 都可以照同調酒師講
調酒師都會因地制宜,特製一杯雞尾酒比你!

Three steps to cocktail

OH SHIT

(圖片搞錯左 Dry Martini 係Strong嘅Short Drink先啱 個垃圾小編 腦細會搵機會炒左佢)

其實仲有一個方法可以令大家唔駛咁柒,唔駛理怕唔怕羞,在家一嚐cocktail滋味。

一般酒吧cocktail酒精濃度都會係10 % alc/vol 或以上,而一般係超市其實賣緊既有汽果汁酒或者類cocktail飲品都係10% alc/vol 以下,主要係因為主流市場比較受落,輕便可飲,結果如果要係屋企想試到酒吧風味既cocktail就要買到一支二支500-1000ml既酒係屋企先溝到一杯50-100ml既cocktail. 


依家有一個本土品牌可以比大家試試在家都飲到酒吧既風味! 共4款酒吧永恆經典調酒: El presidente (大總統) , Negroni (尼格羅尼), Blue Kamikaze (神風敢死隊)
, Margarita (瑪嘉烈特)

仲有4款原創調酒: Sanfly Sixers (六爵), Beloved Memory (瑰荔回憶) , Coco-Pintano (菠多椰), Fushimi Kyoho (伏見巨峰) 


#想有型地嗌杯調酒
#咁就千其唔好怕羞
#其實嗌酒又有乜好怕喎

Leave a comment